Uja Foto ba iha Background Folder

Koalia konaba Komputador pasti ita hakarak halo komputador sai furak liu husi hardware no software.
Iha oportunidade ida ne'e ita sei koalia konaba oinsa atu halo background folder uja imajem rasik. Ita sei utiliza software ida hodi halo ita nia background folder ho ita nia imajem rasik no software ida ne'e naran IESHWIZ Background Maker, laos ida ne'e deit iha mos software seluk ne'ebe mak ita bele utiliza maibe, iha artikel ida ne'e ha'u uza IESHWIZ Background Maker tamba fasil no simples atu halo.
Tuir mai ne'e introdusaun simples konaba software ida ne'e no dalan atu utiliza software ida ne'e:
IESHWIZ Background Maker hanesan software ida ne'ebe mak simples no fasil ba ita atu uza hodi halo ita nia folder sai furak liu tan no IESHWIZ Background Maker ne'e mos hanesan software livre ba ita atu uza hanesan la presija atu sosa ninia product key (CD Key/ Serial) no mos la presija atu instal.
Tuir mai dalan atu uza software ne'e:

1. Download uluk ninia Software (bele mos Klik iha ne'e atu Download).
2. Copia no paste software ida ne'e ba iha Foder ne'ebe mak ita hakarak halo ninia Background, iha Ezemplu ha'u copia ba iha folder My Document.
3. Loke Software ne'e (Klik Dala Rua/ Klik iha Lo'os no Hili Open), sei mosu janela ida hanesan tuir  mai ne'e:

4. Depois Klik Next no Sei Mosu Janela hanesan tuir mai ne'e:


5. Hili Opsaun ne'ebe mak ita atu uza, hanesan tuir mai ne'e:
1. Customize : Opsaun ida ne'ebe mak ita hili atu hadia, modifika no fo lia fuan ba iha folder ne'e rasik.
• Tau Marka ba iha Choose or Edit an HTML Template for this folder atu hadia ka edit ita folder.
• Tau Marka ba iha Modify Background Picture and FileName Appearance atu Modifika ita nia Folder no Tau Imajem iha ninia Background ka Kotuk.
• Tau Marka ba iha Add Folder Comment atu hakerek liafuan badak hanesan Lia Menon ka Komentariu simples ba iha Folder ne'e.
2. Remove Customizations : Opsaun ida ne'ebe mak ita hili atu hamos (remove) tiha imajem ne'ebe mak ita uza iha Folder ne'e ninia Backgroun.
NB :Hili Customize atu hatama imajem ba iha folder nia background karik hakarak hamos fali entaun hili remove customizatio.
6. Klik Next atu Kontinua.
7. Klik Next nafatin atu kontinua
8. No sei mosu Janela hanesan imajem tuir mai ne'e:

9. Hili Imajem ne'ebe mak ita atu uza iha Select a background picture from the list below.
NB: Karik ita Imajem ita hakarak ne'e la iha entaun, Klik butaun Browse atu hatama imajem.
10. Hotu Klik Next.
11. Karik ohin ita hili Add Folder Comment entaun, Hatama Liafuan.
12. Hotu Klik Finish.
13. No Hare'e nia resultado, hanesan imajem tuir mai ne'e:

To'o iha ne'e artikel simples konaba Dalan no Introdusaun konaba oinsa atu hatama imajem iha background folder.