Haruka File husi Komputador ida ba iha Komputador Seluk

Atu haruka file husi Komputador ida ba iha komputador seluk ? maibe Flash Disk la iha? Konfujaun makas ?, lalika laran taridu, sei iha dalan alternativu hodi bele rezolve problema ida ne’e.

Homegroup....... Sim, Homegroup mak dalan ne’ebe diak liu mai ita atu utiliza hodi haruka file/ documentus husi komputador ida ba iha komptador seluk sem Flash Disk ou External Memory. Ezemplu ba homegroup rasik hanesan documentus husi komputador A bele haruka ba Komputador B sem utiliza fiu (Kabel LAN) no mos sem utiliza Flash Disk, Memory card, Hardisk External no sira seluk tan. Maibe Homegroup utiliza deit MS Windows Seven no Wirless.

Atu hatene klaru liu tan, diak liu ita ba hare’e hamutuk deit.

Tuir mai ita sei halo introdusaun oituan konaba Homegroup ne’e rasik.

Homegroup hanesan fasilidade ida ne’ebe mak inklui iha Microsft Windows Seven. Homegroup halo fasil ita hodi haruka (Share) ita nia file sira hanesan Documetos, Imajem, Video no Printer sira ho komputador sira seluk iha rede ida nia laran. Laos ida ne’e deit, homegroup mos bele uja hodi share ita nia drive (partisi) sira ne’ebe mak fahe tiha ona wainhira hala’o instalasaun ba Windows, no Homegroup mos bele uja hodi fahe Internet husi Laptop ida ba iha laptop seluk.

Vantajem husi Homegrou mak ita bele fahe (Share) ita nia file, Printer no Internet husi komputador ida ba iha komputador sira seluk. Homegroup mos bele fahe (share) husi komputador rua to’o sanulu depende ba iha rede ne’ebe mak ita utiliza.

Desvantajem husi Homegroup ne’e rasik mak ita so bele deit atu fahe (share) ita nia file sira ho komputador hotu ne’ebe mak utiliza sistema operasaun Windows Seven. Parte seluk, atu kria/ utiliza fasilidade homegroup, komputador sira ne’e tenki iha koneksaun ba rede ida.

Atu hari’i homegroup ida presija ita atu prepara uluk sasan ou ekipamentu sira ne’ebe mak presija, hanesan Laptop iha rua ba leten. Homegroup ne’e rasik presija komputador sira ne’ebe mak ninia sistema operasaun utliza windows7 no supporta mos Ad-Hoc.

Diak, tuir mai ne’e dalan no lalaok atu halo/ kria Homegroup ida :

Presija ita atu kompriende katak komputador sira ne’e presija halo konfigurasaun hotu.

Presija mos atu komputador hotu tenki iha koneksaun ba rede ida deit. Ha’u fo sujestaun atu komputador ne’ebe mak sai admin ba homegroup mak sai hanesan mos admin ba iha rede ida.

1. Tuir mai dalan atu kria Homegroup no Konfigurasaun husi Komputador A :

Kaer komputador A no halo tuir prosesu tuir mai ne’e :

1. Loke Controle Panel (ho dalan Click Start+Control Panel), no sei mosu janela hanesan ho imajem tuir mai ne’e;
    
   
   
   
   

2. Iha parte Network and Internet, klik link Choose homegroup and sharing Option, sei mosu janela hanesan imajem tuir mai ne’e;

3. Klik iha What is a Network Location, no sei mosu kaixa dialogu hanesan tuir mai ne’e :
    
   
   
   

4. Hili no Klik iha Home Network, hein to prosesu hotu no sei mosu hanesan tuir mai ne’e :
   
    Tau Marka (Tick) iha opsaun sira ne’e (karik ita hakarak atu fahe hotu file sira ne’e) karik la presija entaun lalika tau marka;

5. Depois klik iha Next, no sei sai hanesan imajem tuir mai ne’e :

7. Hakerek sai kodigu (password) ne’ebe mak iha, importante atu ita hakerek sai tiha kodigu ne’ebe mak tanba kodigu refere sei husu wainhira komputador sira seluk hakarak atu tama iha ita nia rede;
8. Ikus liu klik iha Finish.
   
   
   
   

Ita nia Homegroup kria tiha ona ho susesu. Tuir mai ita presija atu halo konfigurasaun ba komputador B hodi Join homegroup refere.

2. Dalan no lalaok atu join homegroup ne’ebe mak kria tiha ona husi komputador A.

Kaer komputador B no hare’e tuir lalaok tuir mai ne’e :

1. Hanesan mos iha parte primeriu (dalan/ lala’ok husi a to’o c);
2. Karik mosu janela hanesan imajem tuir mai ne’e, entaun klik cancel atu kansela tiha. NB : imajem iha kraik ne’e hatudu katak ita atu kria tan homegroup foun, ita labele atu kria tanba ita sei utiliza homegroup ida deit.
    

3. No sei mosu janela hanesan imajem tuir mai ne’e :
    

4. Hanesan iha imajem hatudu iha leten ne’e katak eziste ona Homegroup ne’ebe mak kria ona husi komputador A (komputador Dell-PC);
   
   
5. Tuir mai klik iha Join now atu join homegroup refere, no sei mosu janela hanesan tuir mai ne’e :
   
   

6. Iha imajem refere husu ita atu fo marka ba iha tipu file sira ne’ebe mak ita hakarak atu fahe (share), depois klik iha Next, no sei mosu janela hanesan tuir mai ne’e :
    

7. Iha janela refere husu ita atu hatama password ne’ebe mak eziste iha homegroup ne’e (atu hatene password refere kontaktu ba admin homegroup refere);
   
8. Klik iha next, no depois klik iha Finish.
   
   
   
   

3. Atu asesu ba iha file sira ne’ebe mak bele atu asesu, entaun banati tuir lala’ok tuir mai ne’e :

• Loke MyComputer;
• husi navigation panel, iha Homegroup nia okos, hare’e no klik ba komputador sira ne’ebe mak eziste iha homegroup ida ne’e, hanesan imajem tuir mai ne’e :
  
  
  

• tuir mai ita bele asesu ho diak file sira ne’ebe mak iha husi komputador seluk.
  
  
   

Diak, to iha prosesu atu halo ka kria HomeGroup iha Windows 7. Ha'u hein katak ho artikel ida ne'e bele hafasil maluk sira ne'ebe mak siempre kopia file husi komputador ida ba iha komutador seluk ...

Good Luck